Umuririmvyi Titus  Da Sailor amenyeshako umwigeme Rebeka atorohwewe namba mubuzima yaciyemwo ariko y’ukwihangana kuko ubwiza akibufise.

Titus  Da Sailor arahanura cane abigeme beza cane aciye mundirimbo asazwe akora aho avuga kwari inkuru ndende cane gose azogenda abashikiriza abicishije mu kuririmba.akaba avugako ubu ageze kugice ca kabire ahanura aho amenyeshako munyuma naho azohanura urwaruka rw’imisore,munyuma aje kubakuze nabo mu rukwirikirane rwivyo yiyemeje mu gutanga ubutumwa abicishije mu kuririmba.

Uwo muriririmvyi akaba avuga ko aho iciyumviro cavuye ku ruririmbo Umuyabaga Rebeka ari inkuru ikibandanya kuko ari inkuru yaje ikwirikira urundi ruririmbo yariyise Ubuyabaga munyuma kubera yahurumbirwa cane  munyuma aza kwisanga yaguye mu kaga kukubera atitwaye neza murubwo bwiza bwiwe yarafise.

Uwo muririmvyi arabandanya avugako yagarutse amuha impanuro naho yahuye na vyishi harimwo kuvyara abana beshi n’ugutabwa mw’ibarabara kandi atanagihurumbirwa cane kubera koyanakuze gose ariko aregereza gusaza bituma atangura kwihebura agaca agaruka akamuremesha ko yokw’ihangana akagerageza kugendera ubwiza bwiwe kuko aracabufise ahubwo arere neza abana yarose n’ubwo abantu bagabanutse agerageze kw’itonda baracamukunda.

Mu gihe abatari bake baguma bidoga ngo ntibumva igituma umuziki ndundi udatera intambwe muri kono ka rere turimwo maze umuririmvyi nawe agire n’ico aronka,abenshi ntibabibona kumwe inzira vyokorwamwo kumpande zose.

Mumyaka y’ imbere y’1993, abaririmvyi baririmba indirimbo zifise akanovera, zifise ico zisigura kuko bakoresha ikirundi cari citwararitswe cane mu muziki kandi bakaba bari bafise ubutumwa bashaka gushikiriza. Ariko inyuma 1995 haraje urundi rwaruka rw’abaririmvyi baririmba uruvangatirane rw’indimi n’imidiho itandukanye,gushika ubu bigikorwa bituma ururimi rw’ikirundi rutituka biciye muri uwo  muziki w’umvirizwa cane n’urwaruka.

Abaririmvyi baribakwiye kwitondera amajambo bakoresha mu ndirimbo zabo baba bashaka gukora ,bagashiramwo amajambo atosoye y’ikirundi ciza yotuma n’indirimbo zabo zigira akanovera maze umuziki ndundi ugahurumbirwa n’abandi batari urwaruka gusa maze ukagira irindi shusho murikano karere turimwo ndetse no mumakungu.

Kuberako abageze mu zabukuru batagitahura ubutumwa buba buri mumuziki ndundi usigaye uririmbwa n’abuzukuru canke abana babo, babonako n’akaranga bamaze kugata.

Ariko urwaruka rwo rubonako arivyo bigezweho kubera rusanzwe rukunda cane umuziki w’abanyamahanga .

Ku bwabo abaririmvyi bobo babonako umuziki w’urumvangatirane rw’indimi ariwo muziki ujanye n’ibihe tugezemwo.

Mbega ukudakoresha amajambo atosoye mundirimbo zabo yoba arimwe muntambamyi zibituma abavyeyi batagihurumbira uwomuziki canke ngo bashigikire abana babo bafise impano y’ukuririmba?

Fabelove na Sat-B ubu imigenderaninire ni myiza cane naho vyashitse bagacanamwo ngo  ntazibana zidakomanya amahembe.

Inyuma y’indirimbo Master umuririmvyi  Fabelove yasohoye ururirimbo Hange  indirimbo yakorewe muri Empire Avenue ikiza kwerekana kandi ko  icuka ari ciza hagati yiwe n’umuririmvyi Sat-B. Umubano wabo ukaba wari ugeze habi aho vyari  bigeze naho  baterana amajambo , gushika naho bija  mundirimbo, ndetse no ku nsamirizi.

Fabelove akaba yarahiye ararerwa ko atari muri Empire Avenue ahubwo ari incuti ,Sat-B akaba ari nka mukuruwe  naho vyigeze gushika bagacanamwo ariko ngo  ni ibishika, ubu bakorana neza ngo ntazibana zidakomanya amahembe.

Mu kiganiro gito yagiraniye na Indundi magazine abajijwe ko indirimbo Hange yakorerwa muri Empire Avenue yoba ari ikimenyetso cuko yinjiye muri uwo muryango,  yishuye  avuga ko bamufashije gukora  iyo ndirimbo muri studio yabo gusa  atarinjira muri uwo muryango  kiretse ko bakorana nk’abagenzi kandi ngo igihe yo kwinjiramwo bobimenyesha abakunzi b’umuziki ndundi .

Mu gihe Emery sun afise akababaro kenshi ko hari abamenyeshamakuru bamwe bamwe batakivuza ibikorwa vyiwe, uwo muririmvyi avuga ko atari wenyene kuko hari abandi batari bake nabo batavuzwa.

Mu kiyago na Michou Miracle, uwo muririmvyi avuga ko ikimubabaza gusumba ngo n’ukuntu abo bamenyeshamakuru bamubwira ko yandika, aririmba kandi agakora amasanamu meza ariko ngo bikarangira indirimbo ziwe zivugijwe akanya gato.

Muri ico kiyago nyene, Emery yavuze abo baririmvyi batakivuzwa, aho avuga ko harimwo abakera bo mu runganywe rwiwe n’abakiri bashasha. 5 muribo akaba yavuze R flow, Rally joe, Black g, Fabelove na Double jay.

Yagize ati : ” Hariho R Flow ntavuzwa, hariho Black g we no kumuhamba baramuhamvye. Hariho RallyJoe, ubu ho yasohoye indirimbo z’Imana, Imana imufashe basubire kumuvuza. Hariho Fabelove, mpora numva akora Hiphop nziza, kumuvuza… Hariho Double jay, irya Team ya Bantu bwoy abavuzwa ni bake.”

Aha mukamenya ko Emery sun ari mu baririmvyi basanzwe bakora Karaoke cane, ariko akemeza ko bitari mu bituma abantu batitaho ibikorwa vyiwe kuko we asanzwe aririmba indirimbo zo mu myaka 50 iheze.

Ezeckiel Nibigira umushikiranganji w’inkino n’imicokama yagiranye inama n’abatwara amashirahamwe y’imigwi ndangakaranga, noneho bamushikiriza ibibazo bihanze ico gisata.

Mu bibazo vyashikirijwe harimwo ikibazo c’ibikoresho bitaboneka, Dunia Abed akaba asaba ko ubushikiranganji bwobaba hafi kugira hakenewe ibikoresho babibaronse ngo kugira babandanye gutsimbataza ako karanga ata kanenge.

Ikindi kibazo cabonetse n’ikibazo c’ibibanza vyo gukoreramwo ibiteramo, ngo ico n’ikibazo gikomeye kuko bategura ibiteramo ariko bakabura aho bavyerekanira, nkuko vyashikirijwe n’uwundi nawe arongoye umugwi ndangakaranga.

Ikindi kibazo cabonetse n’ikibazo c’Uburyo bwo gukoresha cashikirijwe na Kwizera Freddy asanzwe arongoye Ishirahamwe ry’abaririmvyi (AMB), aho avuga ko iyo babajije mu bushikiranganji bababwira ko hari ikibazo c’Uburyo. Aho akaba asaba ko ico gisata naco cohabwa uburyo nk’ibindi bisata kugira abaririmvyi n’abandi banyabuhinga bahatorere akoyoko.

Uwo mushikiranganji yamenyesheje ko bagiye kuja hamwe kugira bagerageze gutorera umuti ico kibazo gihanze ico gisata.

Yagize ati : ” Niyumvira ko tugiye gushira hamwe ivyiyumviro, turabe ingene ico kibazo twogihagurukira, tugiye gushira hamwe inguvu. Ibisigaye tukaba tubashimiye, turavye akanya dufise tukabemerera ko tuzobandanya tuyaga.”

Iyo nama yabaye ku musi wa gatanu, ikaba yari yitabiriwe n’abatari bake bava mu mice itandukanye y’iyo gisata nk’abaririmvyi cane cane abaririmba indirimbo ndangakaranga, izo bakunze kwita iz’isi co kimwe n’abaririmba izihimbaza Imana.

Big Fizzo ngo yaratangaye cane abonye Lolilo kuri Stage ariko aririmba Live, akabikora ku ndirimbo zitari nke. Ivyo n’ibiheruka gushikirizwa na Lolilo ubwiwe mu kiyago aheruka guha mugenzi wacu.

Ico gihe nkuko Lolilo abandanya abishikiriza ngo hari mu giteramo citabiriwe na Big Fizzo ubwiwe aho yahasanze Lolilo. Aho hakaba hari mu kamenge.

BigFizzo ngo yamubwiye ati : “Lolilo ikintu ukoze uno musi, sinari nzi ko uririmba gutya. Ndakwubaha kandi ndagukunda cane, iki kintu ukoze ntikizopfa kivuye mu mutima ntabwo narinzi ko uririmba Live, nabonye indirimbo ya 1, 2, 3, 4 gushika ku ndirimbo 12 uriko uririmba Live uranyemeje.”

Lolilo ntiyagarukiye ngaho kuko yamenyesheje ko nawe yaryohewe cane kuba uwo muririmvyi mugenzi yararyohewe kubera iyo ntambwe, ngo kubera ni gake cane aho umuririmvyi mugenzi wawe ashobora kwemera kwakira iyindi ntambwe uba uteye.

Mukamenya ko Big Fizzo we ukuririmba Live ari ibintu asanzwe amenyereye kubera mu biteramo bitari bike asanzwe aririmba Live utibagiye ama Karaoke atari make akunze kwitabira naho asanzwe akoresha Live band mu kuririmba.

Bruce Melody na SHaddy Boo ngo ubu babarizwa mu gasho iKigali, aho bafashwe n’igipolisi barenze amategeko nkuko amakuru ava i Kigali abishikiriza.

Imvo n’imvano y’ugufatwa kw’ivyo vyamamare ngo nuko barenze ku mategeko agenga kwirinda ikiza ca Corona Virus. Abo bose uko ari babiri bakaba bafatiwe mu nzu y’umuntu.

Ivyo bamwagiriza harimwo kunywera inzoga mu nzu z’abandi kandi bitemewe hamwe n’ukuvuza umuziki cane bagatera induru abantu, navyo kandi bikaba bitemewe.

Gushika ubu i Kigali mu bimaze kurekurwa hakaba hatarimwo kugirira imanza mu nzu, canke guhurira mu kibanza kimwe muri abantu benshi. Nayo kuvuza indirimbo canke mukavuga cane bigatuma abantu bari ku mpande zanyu bagira ikibazo birabujijwe cane.

Ntiharamenyekana Igihano bazohanishwa kuri ayo makosa bafatiwemwo. Ariko mukibuka ko Meddy yigeze gufatwa ariko atwara imodoka yanyoye inzoga noneho bituma bamufunga ikiringo c’indwi yose.

Ishirwa ahabona ry’amasanamu y’indirimbo Wari he ya Spok’s ngo n’umuzo wundi mushasha mu muziki naho atagarutse gusubira kandi gusohora indirimbo buri kwezi, ivyo n’ivyo aheruka kuyagira Indundi Tv.

Muri ico kiganiro, Spoks avuga ko ataje gusohora indirimbo buri kwezi, ariko ngo azosohora indirimbo ziri hagati y’1 na 3 ku mwaka.

Uwo mwanditsi wa Ndatemutse yagarutse ku mpamvu yashimye gusohora amasanamu y’iyo ndirimbo itari nshasha mu matwi y’abakunzi b’umuziki, aho yavuze ko yashatse kwerekana ko indirimbo ziwe zidata igihe kuko zishobora kuguma zikoreshwa buri gihe.

Spok’s ntiyagarukiye ngaho yanashimye gukora amasanamu y’iyo ndirimbo kugira bikunde akure mu nzira indirimbo ziwe ziri mu rukurikirane rwiwe rwa kera, kugira bikunde azobashe gushira ahabona iziri mu rukurikirane rushasha tutarabasha kumenya ryari ruzosohoka canke igihe indirimbo zirimwo.

Spok’s akaba agiye gushira ahabona ayo masanamu y’iyo ndirimbo inyuma y’igihe kingana n’imyaka 2 adashira ahabona indirimbo n’imwe. Ico gihe cose akaba yabarizwa mu mwuga wo kumenyeshamakuru asanzwe arangurira mu mboneshakure BETV.

Master Bk aravunira akagohe baba abaririmvyi bacaruka muri uno mwuga, canke abantu bamukoreye amakosa muri kahise muri uno mwuga wo kuririmba ko ngo ataco bakoze, kuko inguvu zikiri zazindi nyene, ivyo n’ivyo aheruka gushikiriza mu kiganiro yahaye Indundi Tv.

Muri ico kiganiro BK aragaruka ku mpamvu zatumye atabasha gukora cane umuziki wiwe nkuko yari yatanguye, aho avuga ko bitamuvuyeko ariko vyavuye ku buzima butamworoheye muri ibi bihe vyaheze.

BK yanaduhaye insiguro nto ku majambo Atari make yumvikana mu ndirimbo yiwe nk’ijambo akamaramasenge, imigani nka Nta buye rivuna ingasiro mu musi umwe, eka n’umwibutsa uvuga ko Iyo abanyavyaha babaye abagenzi uca uraba mu kirere haba hageze agatasi.

Muri ico kiganiro kandi yanamenyesheje ko agarukanye inguvu nyinshi kuko hampande y’amasanamu y’indirimbo ariko aritegurira gukora, ngo hari izindi ndirimbo zishika nka 10 ziri inyuma zisa n’izamaze guhera gukorwa muri Studio.

Aha mwomenya ko Master Bk yaheruka gushira ahabona akaririmbo haraheze amezi ashika ku 7. Ariko naho bisa nkaho ari hafi, uwo muririmvyi amaze igihe kitari gito asa nkaho inguvu z’ugukora zigabanutse cane.

Biragoye gutora ikiriko kirakinwa hagati ya Big Fizzo na Sat-b kuko wokwibaza ko icuka coba kitari ciza muri ino misi, ivyo tukabivuga twisunzi ivy’umwanditsi wa Gacugere aheruka gushikiriza ku rubuga rwiwe rwa Instagram, aho abamukurikirana bariko bamubaza ibibazo, noneho bakamubaza kuri Big Fizzo.

Kuri urwo rubuga Uwo muririmvyi yabajijwe ico yovuga kuri Big Fizzo, noneho aratwenga gusa ntiyabasha kugira irindi jambo na rimwe ashikiriza kuri uwo muririmvyi akaba n’umwanditsi w’indrimbo Ubusa.

Umwe mu bamukurikirana akaba kandi yavuze ko bipfuza Collabo hagati yiwe na Big Fizzo, uwo muririmvyi akaba ico yabashije kwishura ari ugushirako agashusho mu kinyamazuru bita Emoji k’imifuko irimwo amafaranga y’ama Dollard ya Amerika.

Ivyo bikaba bishitse inyuma yaho habonekeye ama ScreenShoot y’ama Statut yabo ya Whatsapp  aho basa n’abariko baterana amajambo. Ariko Sat-b we akaba yaheruka kwerekana ko ivyo yagirizwa kuba yaranditse ngo sivyo na gato.

Bruce Melodie yatanze umuco ku vyavuzwe hirya no hino ku biheruka kumushikira, bikavurwa ko ari mu minwe y’abajejwe umutekano.

Bruce Melodie yavuze ko yafatiwe muhira, atari mu musi mukuru “Anniversaire” nkuko abatari bake babivuze.

Mu kiyago yagiranye na Sabin Murungi, yavuze kandi ko uwo abatari bake bavuze ko bafunganye, ShaddyBoo, ngo atarivyo kuko mubo batwaye bakura muhira iwe, niwe n’uwundi ariko Shaddy we ngo nta wamukozeko.

Bruce melodie ikindi yatanze ko umuco n’impamvu batabatwaranye. Impamvu ngo nuko abajejwe umutekano bashitse muhira iwe kare bahamagawe n’umubanyi noneho babanza kwanza kuraba uwuriko aratera iyo nduru, noneho bumva niwe, niko guca bamushorera.

Bruce Melodie yavuze ko yagumanye mu minwe yabo imisi 2. Aho yarafungiwe ngo n’ikibanza catowe gishirwamwo abantu baba barenze amategeko muri Kino gihe, kiri kuri kamenuza iri i Kigali.

Hagati ya Big Fizzo na Stein ngo ibintu vyoba bidahagaze neza, mu yandi majambo hagati ya CEO na Manager wa Bantu bwoy akayaga koba kadahita neza. Ivyo bikaba bivurwa kubera ibiheruka kuba kuri uwo mugwi muri Concert y’imyaka 7 y’akavyiniro Cristal.

Mu gihe Kirikou na Double Jay ibintu vyari bitanguye gushuha kuri Scene, Big Fizzo ntiyashimye ko babandanya kuririmba, ahubwo atangura kubaza impamvu bariko baririmba, niko guca ababwira ngo bamanuke ntibasubire kuririmba.

Ariko rero nkuko amakuru dukesha bagenzi bacu ba Akeza aho baganira na MC Sadiki ari nawe yari MC muri ico giteramo, ngo abo baririmvyi boba bari basabiwe kugira baririmbe muri ico giteramo, barabemerera ariko babanje kubankira. Uwasaba ko Kirikou na Double baririmba ngo yari manager wabo ariwe Stein.

Bamaze kwemererwa, ngo Big Fizzo nawe yaciye yankira abo basore, ariko guca babimenyesha abariko baratanga ibibanza -MC-, aho n’inyuma y’ukumara akanya babahamagara ariko batababona. Haheze akanya niko kubona babasore basaba kuririmba, noneho bagira baririmbe, ingwe iba yahageze.

Urukurukuru ni rwose kuvyoba vyarabaye hagati ya CEO na Manager, kuko ngo hoba habaye ukutabona kumwe ukuririmba kw’abo baririmvyi muri ico giteramo, naho bo ubwabo ataco barabivugako.

Kolly the magic ati:”umuririmvyi w’umurundi Big Fizzo urankuriye kandi ndakubaha ariko abahungu bawe waraye ubasusuguje imbere yabakunzi b’umuziki ndundi.”

Kolly the Magic umuhinyanyuzi akunzwe cane kubwakazi akora kuguhinyanyura Indirimbo zikaza zimeze neza zikanakundwa cane. umuhinyayu twovuga ko aha mugihugu cacu ari mubambere babizi kurusha abandi yahaye ubutumwa umuririmvyi Big Fizzo kuvyo yaraye akoreye abana biwe mukubagayisha imbere yabakunzi b’umuziki ndundi bari muri Annif ya cristal Events

kolly the magic akaba yagize ati:

”Sinahora nkunda kuvuga vyishi canke menshi. Ariko ibintu vyaraye bibaye muri anif ya cristal Events birateye isoni nacane cane bikaba vyakozwe n’umuntu vyitwako ari mubarwanira agateka k’umuririmvyi w’umurundi Big Fizzo urankuriye kandi ndakubaha ariko abahungu bawe waraye ubasusuguje imbere yabakunzi b’umuziki ndundi. Nk’umurongonzi canke umwungere mwiza uyoborera intama zawe mucana c’ubwatsi butotahaye ntiwari ukwiye gukora ibintu nkabirya imbere y’abantu nimba abana bari bakoze ikosa ivyo mwarikubihereza munzu ya Bantu Bwoy. Twama dusemerera ngo twubahwe twubahwe ariko mugihe tutabanje kwiyubaha no kwiha  agaciro ntitwitege nagato kohariho uuwuzoza kukaturondeza. Barya bana iragi wipfuza kubaraga est-ce que ninkarirya kubuzukuru bawe? Nukuri ikosa nimba rihari kubwanyu canke kumasezerano kubwanje sinibaza ko vyari kurangira kurya nubwo ubwo bubasha wari ubufise ariko hari ibintu bimwebimwe dukwiye kurengera kugira inzira ishika tuyitondere dutosore utunenge kanatsinda ngo igiti ntikigukora mujisho kabiri.”

Akaba yarangije yipfuriza pole umuririmvyi  Double Jay na kirikou Akili bakuwe kuri Scene bagomba baririmbe imbere y’isinzi ry’abakunzi b’umuziki ndundi yongera anasaba imbabazi kubo yoba atsitaje ngo yabivuze kubera vyabereye mw’isinzi ry’abantu kandi babakunda.

Arakaza Marvin Lee ngo ntakibarizwa mu nsamirizi Buja Fm nkuko abatari bake bari bamumenyereyeyo. Uwo mumenyeshamakuru yaciye mu biganiro bitari bike, uno musi niho yasezera iyo nsamirizi.

Mu kiyago yagiranye na Indundi Tv, yamenyesheje ko yasezeye uwo muryango yaramazemwo imyaka irenga 2. Ubu ngo yabonye nawe yotera intambwe akaga kuguruka n’amababa yiwe akava mu kwaha kw’umuvyeyi.

Uwo mumenyeshamakuru amaze gukorera ibinyamakuru 3, birimwo Indundi, Bonesha na Buja Fm, aho twamubaza igituma akinjuye, yatubwiye ko hari agiye kubera abona ko ibintu bitariko bikorwa nkuko we yavyipfuza.

Lee yahumurije abahora bamukurikirana mu biganiro nka Hit Connection, Inzira n’ibindi ko atagiye kubika ingabire yiwe, ahubwo ngo agiye gushiramwo inguvu mu bindi bikorwa yaramaze imisi yaratanguje ariko bizwi na bake. Ngo ibiganiro yahora akora, abantu bovyitega mu misi iza ahandi.

Tumubajije igihe vyamufashe kugira afate iyo ngingo, Lee yatubwiye ko yaramaze igihe mu karuhuko kugira yiyumvire kuri iyo ngingo y’ugusezera.

Uwo musore akaba agiye mu gitigiri c’abakozi b’iyo nsamirizi basezera iyo nsamirizi agasakisaki, abatari bake bakaba bari mu mugwi usanzwe ukora ibiganiro vya Sport.

Uno musi ngo hariho akaruhusho gakomeye ku bijanye n’agahembo abaririmvyi ndundi bahembwa mu biteramo, ugereranije n’uko vyari biri mu myaka y’imbere ya 2015, ivyo n’ibiheruka gushikirizwa na B Face mu kiganiro yahaye Indundi Tv.

Muri ico kiganiro yahuriyemwo na Fabelove na Emery sun co kimwe n’abamenyeshamakuru babiri Lenine na Lee Marvin, Fabelove nawe aremeza ko uno musi abaririmvyi bashobora gutungwa n’umuziki 100%.

Ikindi cateye imbere, B Face avuga ko ari ikijanye n’agahembo mu biteramo aho uno musi abaririmvyi barashobora kurihwa amahera ari hejuru y’1,000,000, mu gihe imbere ya 2015 barihwa intica ntikize.

Fabelove we akaba avuga ko uno musi umuririmvyi arimwo n’uwa Hiphop bashobora gutungwa n’umuziki, mu gihe aho hambere bitashoboka ko umuntu atungwa n’uwo mwuga.

Muri ico kiganiro nyene abo baririmvyi bavuga ko muri rusangi uwo muziki ndundi warateye imbere bimwe biboneka. Ico kikaba kinashigikirwa n’abo bamenyeshamakuru bari batumiwe muri ico kiganiro caremeshejwe na KING YANN COOL ku bufasha bwa Indundi Magazine.

Mwomenya ko ico kiganiro kizoboneka ku rubuga rwa Youtube rwa Indundi Tv guhera kuri uyu wa gatatu.

Ivya Zari na Diamond birabandanya gufata iyindi ntumbero nkuko biboneka ku mbuga ngurukanabumenyi.

Inyuma yaho bivugiwe ko umuriro wari hagati yabo wazimye, noneho bikavugwa ko yanamwongerereje akagura imodoka yo mu bwoko bwa Bantley, ubu naho abo bavyeyi bazanye ibindi bishasha.

Mu mafoto n’amashusho mashasha aboneka ku rubuga rwa Instagram rwa Zari, Diamond yabonetse akora Commentaire mu gihe bizwi ko asanzwe atamukurikirana kuri uwo muhora.

Amwe muri ayo mashusho Zari akaba aboneka ari imbere y’imodoka ifise imparati yanditseko BABA LAO, izina rizwi kuba irya Diamond. Ivyo yaherekeje n’ayo mashusho akaba yabwiye nyene iyo modoka asanzwe ari umugenzi wiwe wa hafi ko umusi muramuwe (Shemeji) yagiye muri Arika y’epfo ngo bazomuha iyomodoka.

Umuntu rero akaba yokwibaza igituma uwo muririmvyi yoba yagize ico avuga canke uburyo yamenye kobamuvuzeko. Inyishu 2 zikaba ziboneka muri ivyo kibazo.

Bishoboka ko uwo muririmvyi Nasibu ashobora kuba atemberera rimwe na rimwe urubuga rwa Instagram rwa Zari, kugira arabe ibihavugirwa bigatuma noneho abona ko hari ibiriko bimuvugwako.

Iyindi nyishu itangwa n’ibinyamakuru vyo muri Tanzania, nuko uwomuririmvyi yoba yaranditswemwo(Tagged) muri commentaire noneho bigatuma abona ibiriko biraba kuri urwo rubuga.

Ivyo bikaba bibaye mu gihe bizwi neza ko Diamond atari umuntu akunda kugira ico avuze ku mbuga z’abo bigeze kugendana.

Mu gihe indirimbo zaba iziwe canke izo yafashije bagenziwe zibandanya kwifata neza haba mu rwanda canke inyuma y’igihugu, uwo muririmvyi aranatungwa urutoke n’abari bake kubera izo ndirimbo nyene.

Igituma atungwa urutoke ngo nuko izo ndirimbo ziba zibonekamwo amajambo abatari bake babona ko afise insiguro itari nziza, naho aba afobetse.

Aganira na Isimbi kuri uyu wa mungu, uwo muririmvyi yavuze ko adashobora guhindura ivyo abantu biyumvira ku ndirimbo, ariko ngo ni vyiza ko ico bayiyumvirako bokigumana.

Igituma, kubwa Bruce ngo nuko baba bariko babona ibitari ivyo we aba yanditse muri iyo ndirimbo yiwe.

Hampande y’ico, Bruce Melodie aremeza ko yakoze ivy’indenzarugero muri iyo ndirimbo, kuko ngo ataho vyanditse ko atoshobora kubikora mu gihe ata tegeko ry’igihugu arenze, canke ngo atuke umuntu.

Mwomenya ko iyo ndirimbo Saa Moya iriko irababa incuro zirenga 1,000,000 imaze kurabwa kuri Youtube.

Doctor canke Delegue General uno musi ngo ntawe akeneye gukorana nawe indirimbo, yaba uwo arondera canke uwumurondera.

Mu kiyago na Landry, uwo muririmvyi avuga ko atarabona akamaro ko kuririmbana n’umuririmvyi wa hano iwacu. Ngo gushika ubu ntaco arabibonamwo, niyagira ico abibonamwo hanyuma ngo azobikora.

“Ntibiranza mu mutwe, ntibikenewe. Kuko sindabona ikintu vyonyungura, mais sinzi ninabibona, ariko ubu ntavyo. Ntawe ndondera, kandi nanje sinshaka,…., tusisumbuwane.”

Ibi Delegue akaba abivuze inyuma y’igihe asa nkaho atariko araboneka mu muziki ndundi kuko ataraherutse gushira ahabona akaririmbo na kamwe. Ivyo navyo bikaba vyashitse inyuma yaho aviriye mw’ibohero rya Mpimba aho yari yajanyweyo n’indirimbo yari yararirimvye.

Imwe mu ndoto Kadjimunda Riche benshi bazi nka R Flow yarafise ngo n’ukuganiro na Lukua Kanza asanzwe ari umuririmvyi akomeye hano muri Afrika mbere no kwi’isi yose.

Izo ndoto uwo muririmvyi wacu igihe akorera mu Rwanda yarafise, ngo zahavuye zishika nkuko biboneka ku rubuga rwiwe rwa Whatsapp aho yashize ahabona mu gace ka Statues ikiyago bagiranye.

Ntiturashobora kumenya vyo baganiriyeko cane ariko ico yerekanye co nuko uwo muririmvyi akomeye w’umunye Congo yamubwiye ko afise ijwi ryiza kandi ko anaririmba neza.

Ubwo hoba hari ikizoca gikurikira, ubona ko ubu baganira nk’abazinanye, Ntawubizi, twizera ko Riche azoheza akabituyagirako.

Mwomenya ko Ivyo bishitse mu gihe uwo muririmvyi abarizwa i Kigali yaheruka kumenyesha ko hari igishasha gishobora kuba kiri mu nzira kiriko kiraza, naho atamenyesheje ryari canke nimba azogikora wenyene.

Abaririmvyi ndundi ngo barakunda, Ico n’igiheruka gushikirizwa na B Face mu kiganiro aheruka kugirana na Indundi Tv.

Muri ico kiganiro, uwo muririmvyi avuga ko ikibuze ari ikibahuza, ngo bikunde noneho urwo rukundo rubandanye rugwire gusumba. Aho agatanga karorero k’amaFestival ahuza abaririmvyi benshi asanzwe aba mu bindi bihugu aha Iwacu ataba, ari kimwe muvyotuma abaririmvyi barushaho kwiyumvanamwo.

Uwo mwanditsi wa Ndabe akaba yaboneyeho akaryo ko kuvunira akagohe amashirahamwe ngo akore nkuko mu bindi bihugu basanzwe bakora, kugira bikunde abaririmvyi bakomeze bahure.

Aha mukamenya ko abishikirije mu gihe havugwa ukutumvikana hagati y’Abaririmvyi, aho bamwe banabifatirako bavuga ko arico gituma umuziki ndundi udatera imbere.