Ibura rya Ismail Niyonkuru mu muziki ndundi ngo n’ikintu kidasanzwe, ivyo n’ibishikirizwa n’uwo mumenyeshamakuru ubwiwe mu kiyago yagiranye na Alan mu kiganiro Indundi Hit Show.

Muri ico kiganiro kiba buri wa gatanu n’uwa mbere guhera isaha icumi gushika isaha cumi n’imwe z’umuhingamo kuri Radio Culture, Ismail Niyonkuru yavuze ko abatari bake barimwo Big Fizzo na Natacha ngo bamaze kubivuga ko hari ikintu gikomeye babuze.

Muri ico kiganiro nyene uwo mumenyeshamakuru yahoze akorera Insamirizi Rema Fm avuga ko ico abo baririmvyi babuze ari umuntu aza aravuga ububi bwabo, kuko ngo bibatuma babasha kwisuzuma noneho bakabona ko hari ikibuze bakikosora.

Aho ni mu gihe akiriko arakorera iyo nsamirizi, uwo mumenyeshamakuru yaterwa amabuye na benshi kubera ivyo abavugako. We akaba avuga ko ari ibisanzwe kubera ngo bamukunda ariko imbere y’abantu bakereka ko bamwanka.

Mwomenya ko uwo mumenyeshamakuru abarizwa mu gihugu c’ubufaransa aho avuga ko yagiye kurondera ubuzima kugira ntazokwame akorera uwundi ariko nawe azogire ico yishikanako muri kazoza.

Akababaro ni kose kuri Mista Champagne kuba ataronka ama Like n’ama Commentaire nk’abandi baririmvyi bakomakomeye.

Akoresheje urubuga rwiwe rwa Instagram, Mista Champagne yari yasavye abakunzi biwe ngo bikebuke kuko ugukorana n’abaririmvyi bakomakomeye bamusaba (abafana) bizova kuma Commentaire ,n’ama Like kuko uwo muririmvyi azoba abona ko akomeye hano iwacu.

Uno musi naho Mista Champagne yahavuye asohora iyindi aho yavuze ko bitoroshe, kuko ngo impanuro bamuhaye kubwiyo Video, bamubwiye ko ukubura kw’ayo ma Commentaire n’ama Like bimuvako kuko yifata nk’umuntu asanzwe mu gihe bagenziwe bakomeye ngo bo bazimvye kubona, arico gituma bo baronka ivyo we ariko aririra.

Muri iyo Video nyene uwo muririmvyi avuga ko we bizomugora kutitaho abantu kuko azi uko ubuzima bugoye. Ariko akavuga ko ata kundi ari bubigenze kugira Abashe kuba umuntu akomeye kuko ibikenewe vyose ngo arabifise.

Mista Champagne arangiza iyo Video yabajije abafana biwe nimba biteguye ko ahinduka, aho ni mu gihe we asanzwe akunda kwishura ama Commentaire yose akorwa n’abafana biwe, ariko abandi bo ngo akaba atavyo bakora.

Mwomenya ko Mista Champagne ari mu baririmvyi ndundi bakurikirwa cane ku rubuga rwa Instagram,ubu akaba ageze ku barenga 78,000 basanzwe bamukurikirana.

Berry Music umwe mubasore bariko barakora neza ndetse ariko yitwara neza kundirimbo yiwe abenshi bazi nka MELANA arasigura neza uko yateye intambwe yambere aza murugendo rw’umuziki nuwamufashije kuhagera.

Mukiganiro yakoranye na Indundi Tv ni Berry Music yavuze amajambo kuri Yvea Melodie ndetse harimwo no kumushimira aho yagize ati:

“Reka mbanze nshimire cane Yves Melodie wa Best Life Music kuko novuga ko mubaririmvyi bazwi ngaha i Burundi ariwe wambere yanteye intege kuko we yarasanzwe anzi kanatsinda twarabana hafi akampa akanya akumviriza impano yanke tukagira n’ivyo dufashanije mudukorwa twa Music.
Nogera ndamushimira cane kuko niwe yanashoboye kumpuza na Kolly aranamusaba ko yomfata neza akumviriza impano yanje ntipfe ubusa binongeyeko ko ntokwibagira ko nari mfise amafaranga adakwiye kuyo nategerezwa kuriha muri studio acayongerako ibihumbi mirongo itatu 30 000Fbu kumafaranga 70 000Fbu narimfise candaheza ndakwiza ibihumbi ijana 100 000Fbu ndakora igikorwa na Kolly kandi kiraheza kiragenda neza.

Aho ivyo n’ibindi vyinshi wobikurikirana uciye kuri ino link musi

Inyuma y’igihe kitari gito ari mu gacerere, Dogo A ngo ariko arategura indirimbo zizomugarukana mu muziki ubundi busha, kandi abakunzi b’ibikorwa vyiwe ntibazogaya.

Ivyo akaba abishikirije mu butumwa yanditse ku rubuga rwiwe rwa Facebook aho yanatanze Compte yiwe ya Youtube, aho yavuze ko izindi abandi bahora babona ngo atari iziwe.

Uwo muririmvyi abarizwa mu mahanga muri kino gihe, akaba amaze igihe kitari gito atagakacira mu bijanye n’umuziki wiwe. Ariko hagati aho ngo agiye kuzoshira ahabona indirimbo nshasha ngo itazoba ari nziza cane, ariko izoba ari nziza kuriwe kuko yakozwe mu bihe bitoroshe ahejeje kubura umuvyeyi.

Mwomenya ko umuvyeyi avuga ari Nyakwigendera Petero Nkurunziza yahoze atwara kino gihugu cacu c’Uburundi.

Dudu Niyukuri yatanguye kuvuza umuziki ahereye ku gitari, bitanamworoheye kuko ico yabona hafi yiwe bitakunda ko agikoresha kubera ko vyari bibujijwe.

Mu nyigisho zariko zitangwa na Pasteur Dieudonne Nahimana, uwo muririmvyi w’umurundi abarizwa mu gihugu ca kenya yamenyesheje ko yatanguye kwga igitari akoresheje igitari gikozwe mu migereni, kandi naho nyene arico bafundikanije. Ivyo bikaba ngo se afise igikomeye cari mu nzu.

Kuko atarafise uburenganzira bwo kugitora, Dudu yahavuye arondera uwufasha, ariwe yari umukozi wiwabo, noneho bakora igitari, ariko arakimutana ngoabandanye avyikorere, akimutana kigeze ku mirya 3.

Yaragerageje biranka, apfa kuvuza uko cari kimeze, noneho bimuviramwo umugisha wo kuronka igitari ciza, ariko ku kiguzi co gukomereka bikomeye, arinaco catumye se amwegurira ico gitari kimusumvya umwaka umwe, kuko se yakiguze ataravuka.

Dudu uno musi akaba ari umuhinga muvy’uguhinyanyura, mbere akaba yaranize ibijanye n’umuziki muri afrika y’epfo ari navyo uno musi bimutunze.

Dudu akaba ari umuhinga muvyo kwubaka amazu aberamwo ibiteramo kugira amajwi azogende neza, umuhinga mu kugura gukora no kuvuza ibikoresho bisohora amajwi, kugira amajwi asohoke asukuye atababaza.

Mwomenya ariko ko hampande yaho asanzwe ari n’umuririmvyi yashize ahabona indirimbo zitari nke zafashije kandi zigifasha benshi mu bihe vyabo vyo guhimbaza Imana.

Kuri uno wagatandatu igenekerezo rya25 Mukakaro2020 niho umuririmvyi Mugani Désiré azwi cane nka Big Fizzo yubaka ru kritsu n’umutambukanyi wiwe kimana Edith Stein.

Igenekerezo rya25 Mukakaro rikaba ari igenekerezo ry’isabukuru ry’amavuko y’umurimvyi Big Fizzo, ni naho uwo muririmvyi yashimye kwubaka rukistu n’uwusanzwe ari Manager wa Label ya Bantu Bwoy Entertainment Kimana Edith Stein basazwe bafitaniye umwana umwe w’umukobwa mukiringo c’umwaka bari bamaze bubatse imbere y’amategeko(Etat-civil) .

Kuri iryo genekerezo nyene Big Fizzo yashize ahabona amasanamu y’indirimbo “Ubusa” indirimbo irimwo ubutumwa bwishi kandi ibonekamwo amasanamu y’uwo mutambukanyi wiwe.

Nk’umukunzi w’umuziki ndundi wibazako ivyo vyose vyoba bivuze iki kuri Big Fizzo?

Indundi Magazine ikaba yipfurije uwo muririmvyi  ubugeni bwiza, ikifuriza urwo rugo kuba amakara ntibabe urubeya

Haraheze igihe kitari gito umuririmvyi Sat-b ngo azi ko urubuga rwiwe rwa Youtube rwarabaye Hacked, ariko we nta kibazo bimuteye.

Mu kiyago na Hosy, Sat-b yabajijwe impamvu indirimbo ziwe zisa n’izitakirabwa cane, ugereranije n’uko mu misi iheze vyari bimeze.

Sat-b yatanze umuco ko abamutwaye Youtube Account yiwe aribo batuma Views z’indirimbo ziwe zitaduga nkuko bikwiriye.

Sat-b yanevuze ko abo bantu bamaze kubamenya ariko ko bariko barakora ibishoboka ngo bagire ico bahindura kuri iyo Account ngo bikunde bayisubirane neza.

Muri ico kiganiro Nyene Sat-b yavuze ko bamaze kumenya ko abo bantu bakorana n’abantu bo hanze y’igihugu mu gukora ayo mabi agayitse.

Mwomenya ko Sat-b aheruka gushira ahabona indirimbo gacugere yakoranye na Bainturo, ikaba imaze kurabwa incuro 58.000mu ndwi 1 gusa,nayo Umubabaro imaze ikwezi ikaba imaze kurabwa incuro zirenga 118,000.

Nzeyimana Thomas alias Mkombozi nawe ngo Big Fizzo yamwugururiye imiryango kuko yahora abiraba bikanka kwubaka urwiwe mugihe mukuruwe atari bw’ubake nawe bikamusiga.

Kw’igenekerezo rya25 Mukakaro niho umuririmvyi Big Fizzo yubaka rukritsu,ivyatumye mwenewabo Mkombozi nawe avuga kwamwugururiye imiryango nawe agiye kuzo kwrwubakana na Mkombozine.Ntiyahengeshanije gukeza ugwo rugo rushasha yongera anaha ikazwe Manager wa Bantu Bwoys Entertainment Kimana Stein Edith mumuryango wabo.

Aciye kumbuga asazwe akoresha Mkombozi akaba yagize ati:”Urugo ruhire mon grand frere musicalement et marassonellementNaho ntabonye ubutumireVyanezereje cane kuba uyumunsi ushinze urwawe kuko vyarangora kugira mariage grand akiri celibataire,nari kuba nsimvye urwego ubu nanje uranyugururiye imyango kuri Mkombozine.Hanyuma Madame la bofresse AKIMANA kibera mumutima wa Mugani Desire, karibu mumuryango wacu,uraduhimbara,turagukunda, tuzokwima ico tudafise,ntituzogucana naho inkwi zizoba ziheze,tuzopfuma tuburara tugupfane.Imana ibajimbere.Hasta La Victoria Siempre.”

Mwomenyako inyuma yukubaka rukritsu kwa Big Fizzo ,abaririmvyi bataribake ba hano iwacu bagiye bamukeza bamwipfuriza kugira urugo rwiza; ariko benshi bakagaruka bamwidogera ko atabahaye ubutumire ngo bikunde bashike kumushigikira muri ugwo rumbanza.

Inka zibiri nizo Big Fizzo yagabiwe na Nyenicubahiro umukuru w’igihugu Evariste Ndayishimiye kumusi w’ubugeni .

Kw’igenekerezo rya 25 Mukakaro 2020, niho umuririmvyi Big Fizzo yubaka rukritsu na Edith Stein Kimana,  urubaza Big Fizzo yaboneka ko yarahimbawe cane gose kuko ahari akamwemwe kari kose.

Kuva bakiri kwakira umuhezagiro mw’isengero kwa Patiri gushika no mukibaza bafatiyemwo agatutu basangira n’incuti n’abagenzi baraho akanyamuneza kari kose.

Mu migenzo y’ikirundi iyumwana yubatse urwiwe harabaho kumugabira ibizomufasha kwubaka urugo rushasha aba atanguye .

Mugihe abataribake bariko baramugabira uwomuririmvyi Umukuru w’igihugu aciye ku ntumwa yari yarungitse muri ivyo birori vyu rubanza akaba yamugabiye inka bihembe zibiri .

Abakunzi b’umuziki bamaze kumva ko Nyenicubahiro umukuru w’igihugu yagabiye inka uwo muririmvyi barakengurutse cane kubona abaririmvyi basigaye baterwa iteka mu gushigikirwa cane muvyo baba bariko  barakora bigatuma bagira ingoga zogukora cane maze Uburundi bwabibarutse bakabuhesha iteka mw’iterambere.

Dudu ngo ikimutunze kikamutungira n’umuryango, ngo n’ubufundi s’umuziki. Ivyo aheruka kubiyagira abari bakoraniye.

Muri iryo koraniro ryabarizwamwo urwaruka rutari ruke, uwo muririmvyi yamenyesheje ko muri Kenya iyo yasuhukiye ngo ikimutunze n’akazi k’igifundi.

Muri ico kiganiro cabereye ku muhora ngurukanabumenyi nyene, yamenyesheje ko umuziki atigeze awufata nk’akazi ariko yahufashe nk’ishikanwa ashikiriza Imana.

Muri ico kiyago cari categuwe na DNF (Dieudonne Nahimana Foundation) bavuze kuri vyinshi, ariko ico bashaka kwigako n’uburyo umuntu ashobora gukora kugira ateze imbere ingabire yiwe gushika yaho atungwa nayo.

Aha mukamenya ko Dudu asanzwe afise Application isanzwe igurishwako umuziki yiswe XWAV amaze igihe yarashinze. Dudu kandi akaba ari umwe mu baririmvyi ndundi bakora umuziki wo guhimbaza Imana basanzwe bakunzwe muri kano karere.

Après plusieurs messages  et vœux de bonheur et commentaires qui lui ont été adressés suite à son mariage religieux, via ses comptes instagram et Facebook ,le chanteur burundais Mugani Désiré alias Big Fizzo exprime  sa joie et remercie tous ceux qui étaient présents à son mariage ainsi que ceux qui ont contribué à ce qu’il soit un mariage  exceptionnel en disant ceci: ” Notre  journée a été une journée remplie joie  ,de souvenirs et de plus d’amour que nous n’aurions jamais pu imaginer. Merci beaucoup à tout le monde, amis et parents ,  d’avoir contribué à rendre cette journée encore plus agréable.”

Ibiriko biravurwa kw’ikinjura rya Kent p muri Empire Avenue, kandi ariwe Manager wa Sat-b na bagenziwe bari muri iyo Label, uwo musore yabitangiye umuco,kugira kwaba ukuri canke ikinyoma bimenyekane.

Mu kiganiro umukubito, Kent p yavuze ko be na Sat-b bavuye kure, kuko kuva mu mwaka wa 2012, ngo bari bafise umugambi wo kuzogira ico bashinze noneho ngo banafashe n’abandi baririmvyi. Ariko n’ivy’ukubana ngo vyarimwo.

“Kuva muri 2012 twari dufise indoto, zo kuba hamwe dukore ibi na biriya, dushike aho dushinga Label, dushiremwo abaririmvyi, tubafashe gushika ku rugezo kanaka. Hama dushike igihe tuvane, bitavuye ku kazi, ahubwo n’igihe c’ubuzima aho umwe wese aja ukwiwe.Ariko ikintu gituma tuguma tuba hamwe n’akazi.”

Ivy’uko Sat-b atakibarizwa muri Empire ngo boba bavyitiranije nuko ubu batakibana mu nzu, kuko bitari ngo mbwa ko uguma ubana n’umuntuimyaka yose, kuko hari igihe ugeramwo noneho bikaba ngobwa ko bavana.

“Ivy’uko rero noba natandukanye nabo,ko ntakiri muri Empire Avenue, ubwo n’ububeshi, ni bimwe abantu bamenyereye ko twama turikumwe. Sasa abantu baca bibaza ibindi. Ntuzi abana b’abantu ko buri muntu agira ivyiyumviro vyiwe.”

Muri ico kiganiro nyene, Kent-p yavuze ko ibivugwa ko intandaro y’ukuvana nawe yoba ari Belle Nice, kuko atashimye ko aguma abana na Sat-b, kugira abe ariwe baja kubana, ngo sivyo naho basigaye babana.

Mwomenya ko Kent-p ariwe ariko arakora amasanamu y’indirimbo zitari nke zivurwa muri Label ya Empire Avenue, aho ni nka Umubabaro,Izina, n’izindi ziri inyuma ziriko zirakorwa.

Naho Lolilo ari mu nkehwa Big Fizzo yari yahaye ubutumire ku bugeni bwiwe, uwo muririmvyi ntiyabashije kubwita. Bamwe bakaba bavuga ko ari kubera ngo uwo muririmvyi nawe atabashije kumufata mu mugongo igihe nawe abura umuvyeyi, ariko yatanze umuco.

Mu kiyago na Juste Gael, Lolilo yavuze ko ugusiba kwiwe mu bugeni ataho bisa bisana n’ukuba Big Fizzo yoba atagiye mu kiriyo igihe umuvyeyi wiwe yitaba Imana. Ahubwo avuga ko vyatumwe nuko ngo yagize ikibazo.

“Ivyo Sivyo, yaraje, yarungitse Double jay, yarungitse Kirikou, Drama T, yarungitse abantu benshi. Peu être kubera yari yafatiriwe, muga yaranterefonye arambwira ko asangiye umubabaro nanje, kuri jewe mbona ari sawa, nta mutima mubi ndamufitiye.”

Lolilo muri ico kiyago yanaboneyeho akaryo ko gushimira Big Fizzo kuba yarabashije kumutumira, ariko avuga ko imvo y’ukutamwitabira ubugeni ngo ari ikibazo c’uko umwe mubo bakorana hafi yari yabuze umuntu.

“Ndashimiye Fariouz kuba yarampaye Invitation yo kuza muri Mariage yiwe, arambabarira kuba ntaje ku bugeni bwiwe, kuko twavyutse umu Oncle wa Brian yapfuye, nico gituma ntaje kuko twari kumuhamba.”

Muri ico kiyago nyene, Lolilo yamenyesheje ko hagati y’ubugeni n’ukuja gushika ku wagize ikibazo c’ukubura umuntu, we yahisemwo kuja gushika kuwabuze.

“Brian Smith abuze umu oncle wiwe urumva n’ikintu gikomeye cane, sinogenda kuri Mariage.”

Aho mukamenya ko bo uko ari babiri aribo baririmvyi bivurwa cane ko badacana uwaka naho muri ino misi umengo umuriro warazimye kuko banatumirana mu biteramo, aho tukavuga nk’igiteramo ca Lolilo, Big Fizzo aheruka kwitaba.

Après que le journaliste Patrick Paggio Niyonkuru ait publié l’affaire d’un soi- disant lien paternel entre le chanteur Kidumu ,Bukuru Gérard qui est le père de Cédric Bangy et un homme de 32 ans qui prétend être le fils du titulaire de la chanson “Intimba y’urukundo “,une chanson écrite par Bukuru Gérard et reproduite par Kidumu et Cédric Bangy en 2003,
Nimbona Jean Pierre alias KIDUMU a réagit sur son compte Facebook en disant ceci: “Je suis très peiné et indigné du comportement d’une personne que j’estimais à tort civilisée,une personne qui n’était pas  sensée ignarer le principe du respect de la vie privée lorsqu’elle fait des investigations  à propos d’une information quelconque”. “

Le chanteur continue en disant que maintes fois des personnes venues de différents pays sont allées  le retrouver au Kenya pour demander de l’aide mais que cette fois-ci , un homme de 32 ans  s’est présenté à lui arguant  qu’il est son fils, tout en ajoutant comme preuve que  cela lui aurait été révélé dans un rêve par le fantôme de sa mère décedée  il y a 8 ans lorsqu’il était à Kampala.

Le chanteur croit bien qu’il doit y avoir une confusion parce que l’année (1988) à laquelle est né cet homme ,lui il n’avait que 14 ans. Pour clarifier l’affaire, il s’est alors confié en privé à Bukuru Gérard , Christian Nsavye , Cédric Bangy et Paggio avant de consater avec amertume ce qu’il qualifie de trahison de la part de Patrick Paggio.

Kidumu a très bien souligné cela en lui adressant un message disant :” Franchement Paggio tu m’as vraiment déçu,est-ce en echange de quelques commentaires sur ton compte que  tu as ainsi exposé ma vie privée sur les médias?  Es-tu conscient du fait que cela nuit à ma réputation tout en mettant à mal la considération et le respect que témoigne  le peuple à mon égard?

Ce Chanteur se saisit de cette occasion pour mettre en garde les gens contre ce genre de comportement indigne,  susceptible de provoquer l’irritation et le scandal  de la part de quiconque se sentirait lésé et bléssé dans son amour propre et  dans sa dignité.

Doutant si l’intention de Monsieur Paggio était réellement de nuire, Il termine en lui disant ceci  :”Peut être que tu voulais blaguer,mais sache que ce n’était pas encore  le moment de révéler cela ,et qui tu as tout simplement abusé  de ma confiance.”

Selon vous ,que va riposter Patrick Paggio Niyonkuru face à cette indignation du Chanteur Kidumu qui se sent blessé dans sa vie privée ?

Esther Nish ngo indirimbo “Kavorivori” yamutwaye umwanya munini kugira abashe kuyandika yongere anayikore, ubona ko yari no mu bihe bitamworoheye.

Mu kiyago aheruka kugirana na Indundi Tv, uwo muvyeyi w’abana babiri yavuze ko iyo ndirimbo yatanguye kwiyumvira kuyandika acibungenga umwana wiwe wa 1, uno musi akaba afise imyaka 3. Ariko kubera intege nke ntivyaba bigikunda ko abasha kuronka uburyo bwo kuyirangiza.

” Iyo ndirimbo natanguye kuyiyumvira kuyandika kuva ku mbanyi yanje ya mbere, niho natanguye kwiyumvira ijambo kavorivori. Ntangura kwiyumvira nokwandika ayahe amajambo, muga ico gihe sinari mfise moyen, novuga ko hari mu bihe vyanje vy’ intege nke. Iyi mbanyi yanje ya kabiri nayitwaye ata ntege nke mfise. Nca ndayibike, sinovuga ko naciye ndayiririmba, muga naranditse nk’igitero kimwe.”

Nkuko yabandanije abiyagira umunyamakuru wa Indundi Tv, Alan The real, ngo amaze kwibungenga imbanyi ya 2 niho yaciye aronka akanya keza ko kwandika, aniha n’intego yo kuyirangiza.

“Maze kwibungenga iyi mbanyi yanje ya 2, iciyumviro rero gica kiraza, nti ubwo sinobandanya ya ndirimbo, kubera narayikoze inyuma yo kuvyara, muga ica igenda nabi, nca ndanayiheberayo. Iyi rero ya 2 iciyumviro gica kizanana inguvu nyinshi,nti ntegerezwa kuyiheza.”

Nayo ku gihe vyamufashe kuyandika ngo ayirangize, ibone kuja ahabona, uwo muvyeyi yavuze ko indirimbo yasubiye kuyandika inda ifise amezi 3, iza gutangura gukorerwa amasanamu umwana asigaje imisi 14 ngo abone izuba.

“Umwana wa mbere afise imyaka 3, urumva imyaka nari ndayibitse, itarahera ikiri igitero ca mbere. Aho hose naja muri Studio nibaza nti mbega basha igitero ca kabiri nzogikora ryari? Gushika yaho ndabirekeye nti reka mfate umwanya ukwiye. Ndasubira mfata ikintu c’amezi 5 ndiko ndamarira, niyumvira ukuntu mpeza amajambo yose. Nagiye gusubira kwiyumvira kuyandika imbanyi yanje ifise amezi 3.”

Nayo ku kibazo c’amajambo aboneka muri iyo ndirimbo, uwo muririmvyikazi yavuze ko amajambo yagenda ayafatira umwanya ayakura muyo aba yarumvise muri kahise aho umuvyeyi yaba yabajanye iyo bakomoka.
Mwomenya ko Esther Nish ari mu baririmvyikazi ndundi bafise ibikorwa bitari bike bamaze gushira ahabona, kandi basanzwe banaririmba mu mudiho kavukire, naho ageraho akajanisha n’izigezweho.

Inkuru iriko iravugwa cane aho hanze n’inkuru y’umwigeme yoba agiye gusubirira umuririmvyikazi Tanasha mu kibanza c’umukunzi wa Diamond Platnumz.

Nkuko makuru dukesha ibinyamakuru vyo muri kano karere abishikiriza, uwo mwigeme ngo yitwa Jihan, uyu akaba asanzwe akunzwe kandi amenyekanye cane muri Tanzania.

Uyu mwigeme nkuko amakuru dukesha SNS abandanya abishikiriza, ngo anakunze cane kwitabira ibiteramo bitegurwa na Wasafi.

Mu kiyago uwo mwigeme yagiranye na SNS yabajijwe ku bucuti buri hagati yiwe na Diamond, ubona ko asanzwe anavugwa cane ko ari n’incuti y’umuryango wa Diamond co kimwe n’abo muri Wasafi. Uwo mwigeme yishuye ko ko bazinanye ibisanzwe kuko basanzwe bose bakorero mu bintu bimwe.

Bongeye banamubaza nimba yohava yemera kuba mu rukundo na Diamond, ubona ko yaba we yaba Diamond bose ata mukunzi bagira. Ntiyahigimanze ko bishoboka ariko ko we vyomugora kuko atigeze agendana n’umuntu akunzwe nkawe, kandi urukundo rwiwe rutigera ruja ku mugaragaro.

Naho biruko ariko hari amakuru ava mu begereye Diamond avuga ko hoba hari ikiriko kirategurwa mu kwezi kw’8 hagati yiwe na Diamond. Ivyo bikaba vyunyuwe n’iyo nkuru nyene yashizwe muri Comment kw’ifoto yiwe yashize kuri Instagram, ishirwako n’umwe mu begereye Diamond basanzwe bamenya vyose.

Aha mukamenya ko uwo mwigeme Jihan asanzwe afise ubwenegihugu bwa Tanzania hamwe n’ubwa Liban kuko se ariyo akomoka. Ari nka hamwe bishitse akaba azoba asubiriye Tanasha akomoka muri Kenya akanagira ubwenegihugu bw’ubutariyano, uwo nawe yasubiriye Zarinah Hassan nawe akomoka muri Uganda. Ari imbere yaho akaba yaragendanye n’abigeme benshi bakunzwe muri Tanzania nka Hamissa, Wolper, Wema Sepetu n’abandi batandukanye.

Inyuma yo gukora indirimbo yabahuje bose nk’umuryago  “Master Muzik”, bagiye kuryohera abakunzi b’umuziki bo mu Ntara ya Rumonge biciye mugiteramo Gonga Tour kikanazobandaniriza no muzindi ntara zigize igihugu.Umuririmvyi Masterland kuri Album imwe yise “EGO”amaze gushira ahabona, mu nyuma akaza araboneka mu biteramo  bitandukanye, ubu naho hagezweho igiteramo co kuri uwu wagatandatu igenekerezo rya 01 Myandagaro ahohazoba hariko haratorwa Miss wo mu Ntara ya Ngozi “Miss Kugasaka2020”. Uwo muririmvyi bikaboneka ko akunzwe cane muri iyo ntara kandi akaba akora ibikomeye mu gushimisha abakunzi biwe.

kw’igenekerezo rya 08 Myandagaro 2020, Masterland be n’umuryango Muster Muzik bagiye kuzoteramisha abanya Rumonge mu giteramo bitiriye Gonga Tour kuri Tourist Town Beach.

Igiteramo avuga ko kizobandanya no mu zindi ntara z’igihugu, ku makuru Indundi Magazine ifise avuga ko azoshobora kuzokorera muri zitandatu ariko atashimye kuzimenyesha kuko igihe kitaragera, agatera akamo abasanzwe bari hafi yo mu Rumonge ko boba baramwitegurira kuko n’amahera yokwinjira sikirenga  ikibanza gisazwe akaba ari ibihumbi 2,000 nayo muri kimwe bita VIP bikaba 5,000

Mwomenya ko inyuma yabasanzwe bagize uwo muryango “Arnovic,Momo Melody, Jadix,Chino-B na Masteland kizigenza wabo bongeyemwo n’abandi baririmvyi basanzwe baba mwiyo  Ntara  nka Msamalia Danielo,Tyga Briz,Bildays hamwe naba MC babiri Msaba na Juste Gaël.”

Uguhura kwa Eddy kamoso n’umukuru w’igihugu c’Uburundi, Nyakwigendera Petero Nkurunziza, ngo vyabaye ugusohora kw’amasezerano Imana yari yarahaye uwo muririmvyi akaba n’umumenyeshamakuru.

Mu kiyago n’ikinyamakuru Isibo Tv, mu kiganiro The Choice ,Eddy Kamoso yamenyesheje ko ashika i Bujumbura, noneho agatangura ikiganiro ku nsamirizi ngo yakiriye Telephone y’umutambukanyi w’umukuru w’iighugu w’ico gihe, Umupfasoni Nkurunziza Bucumi Denise. Ngo vyari bigoye kwemera kuriwe ko yohamagarwa n’umutabukanyi w’umukuru w’igihugu.

Iyo Telephone yakiriye ngo yari iyo kumukeza ku kiganiro yakora no kumwakira mu gihugu. Iyahavuye inavamwo ubutumire mu masengesho yabera ku kirimba c’umukuru w’igihugu misi yose ku musi wa 3. Ico gihe uwo muririmvyi, akaba umukozi w’Imana eka mbere n’umumenyeshamakuru ngo yari yahawe ikaze ngo aje kubabwira ubutumwa bwiza, anaharonkera ubutumwa bwo kuja kwigisha mu rusengero Rocher rurongowe n’Umupfasoni Nkurunziza Denise Bucumi.

Muri ayo masengesho nyene, Kamoso avuga ko ariho yahuriye na Nyakwigendera, aho yaravuye mu kazi noneho amusanga muhira iwe bari mu masengesho. Ngo nk’umwana w’umuntu umutima warasimvye, ariko nk’umukozi w’Imana yari yuzuye mpwemu yera ngo ntacamunyiganyije. Ico gihe ngo umukuru w’igihugu yaramuhaye nawe ikaze mu gihugu.

Kamoso muri ico kiyago nyene, yavuze ko uwo muryango w’umukuru w’igihugu wamubaye hafi cane mu gihe cose yamaze muri kino gihugu cacu. Ico atazopfa yibagiye ngo nuko uwo muririmvyi yigeze kugwarira kuri CMCK mu Kinindo, ariko yisanga umuryango w’umukuru w’igihugu waje kumuraba,ivyo atashobora kwibaza ko bishoboka kubera Umuryngo avamwo.

Eddy yanavuze ko imbere yuko aza mu gihugu c’Uburundi ngo yarafise isezerano rivuga ko azokorana n’abakomeye kandi agakora ibikomeye. Ukwo guhura n’umukuru w’igihugu ngo vyamweretse ko isezerano ryayo risohoje. Ico akaba ngo yaranakivugiye mu massengesho yavugiyemwo ubutumwa, yahuza abari muri Leta ya Nyakwigendera Petero Nkurunziza.

Kamoso muri ico kiganiro yanagarutse ku bitangaza Imana yamukoreye aho yasubira mu Rwanda, aho avuga ko yabonye Imana ikora ibitangaza, mu gihe yaragezwe habi n’ibibazo. S’ico gusa kuko ngo ivyo bibazo vyamuhaye incuti zamuteye gusubira guca bugufi, binamushikana uno musi gusubira mu kazi kiwe k’ukumenyeshamakuru yaramaze imyaka ishika 5 adakora, ikigeretseho anasubira ku nsamirizi yamureze imyaka itari mike, Radio 10.

Indirimbo ya B face na BigFizzo izosohorwa na mweneyo, nayo umudiho wa Rap ngo ntiyawuhevye kuko imbwa ntiheba iyarara. 

B Face ngo ntiyahagaritse umuziki uri mu midiho ya Rap, ngo azogaruka kuko izigize imisi zisohoka s’iziwe, iziwe ngo ziri inyuma.

“Nzosubirayo kuko imbwa ntiheba iyarara, kubera Rap niyo yatumye abanyagihugu bamenya, nta mpamvu yo kuyiheba.”

Mu kiyago aheruka guha imwe mu mboneshakure zikorera ku buhinga ngurukanabumenyi, yavuze ku ndirimbo ivugwa hagati yiwe na Big Fizzo, aho adahakana kw’ihari ariko akavuga ko atari we azoyishira ahabona, kuko ari iya Big Fizzo

“Indirimbo irahari, umusi yashimye ko isohoka ni sawa, ariko mu gihe abona ko hataragera, muzorindira.”

Ivyo akaba yabibajijwe mu gihe Big Fizzo yaheruka kuvugira ku rubuga ngurukanabumenyi rumwe muzo akoresha abaza B Face ko boyisohora.

Aha mukamenyako BigFizzo adakunze kuririmbana n’abaririmvyi basa n’abakomeye, ahubwo kenshi aririmbana n’abakiri bato.

Nasibu Abdoul Juma benshi bazi nka Diamond ngo agiye kugira ubugeni muri ino misi,ivyo n’ibiheruka gushikirizwa n’umwe mu basanzwe bakorana nawe.

Mu kiyago yatanze ku rubuga rwa Instagram, Sallam Sk asanzwe anamufasha mu bijanye n’uburongozi bwa WCB, yamenyesheje ko Nasibu afise igikorwa ariko arashaka gushira ahabona mu misi ya Vuba. Aho akavuga ko aho vuba ariko aravuga ari muri uku kwezi kw’8 turimwo.

Irindi banga yamenye uwo musahiri wiwe, ngo DIamond ariko aritegura kurongora muri uno mwaka nyene. Aho n’inyuma yaho abwiriye abamenyeshamakuru ku musi w’ubugeni bwa mushikiriwe ko ivy’ukurongora kwiwe azobikora niyaronka umukobwa amukunda.

Ari nka hamwe bikunze, Diamond akaba azoba abikoze inyuma y’igihe kitari gito hitezwe ubugeni bwiwe, kuko bakiri mu rukundo na Zari havuzwe ubugeni, afatanye na Tanasha naho havugwa ubundi kandi bwo bwategerezwa kwitabwa n’abantu bakomeye, ariko birangira butabaye.

Aha mukamenya kandi ko uwo muririmvyi abagore benshi bavana aribo bamuheba, bamwe bakavuga ko ari indero atari ikirenga, abandi nabo bakamuhora ko ata jambo afise imbere ya Nyina n’uburongozi bwiwe.

Gushika ubu rero bikaba bikigoye cane kwemeza ivy’ukurongora kwiwe kuko ata n’umukunzi wiwe aramenyekana. Nawe niko ubibona?